"Eskerrik asko sari honengatik

Euskal eremuan Internet arloko sari bakarra dugu Sareko Argia Saria. Bakarra, lehena eta garrantzitsuena beraz. Eta horregatik bereziki eskertzen dugu, egun, izatez xumea baina asmoz handia den gure irratia.com proiektua bultzatzeagatik. Duda barik  aurrera egiten lagunduko digu.

Euskalgintzaren ikuspegitik, gitxirako balio du "Konekta Zaitez" euskaraz esateak, jendea sarera sar dadin laguntzea, ondoren sarean erdarazko webguneetan nabigatuko badute-badugu.

Sarea euskal edukiz hornitu behar da, hori da garrantzitsuena. Euskalgintzaren produkzioa; handia deba berez sarera bideratu behar da. Baina Axularren Gero jartzea ez da nahikoa izango,EZ. Eduki erakargarriz bete behar dugu sarea, sare gaztea. Dena egin daiteke euskaraz: fisika nuklearra, rave-ak, sexua, hip-hopa... Baina baliabideak erabili behar dira, irudimena martxan jarri. Irudiak, irratiak, bideoak... denak balia eta molda daitezke itxura txukun bat emanda.hori deritzogu multimendia.

Instituzioei baino gehiago, euskalgintzaren munduari ahalegina egin dezan eskatzen diogu, eta EUSKALDUNEI bestalde, euskaldun moduan ager daitezen sareko Babelean ere.

Bestalde, sarea agertu ondoren, duela hamar urteko adagio progresista "pentsatu globalki eta tokian eragin" hura, mundializazioaren ikuspegia da orain (MacDonalds edo Virgin-ena).

Kontrakoa da gure ikuspegia: "pentsatu lokalki, eragin globalki". Eta horretara doa gure ahalegina, Bilboko euskaldun batek, edo Australiako batek, Garaziko esatariaren ahotsa entzun dezan, adibidez. Horixe bera da gure asmoa, euskal irratiekin elkarlan  bat egitea  baina badira arlo gehiago. Animo, beraz.

Bihar-etziko gizartearen bizkarrezurra komunikazio sareek osatuko dute. Ze egia handia informazioaren gizartearena. Eta azken urteotan horretan gabiltzanok iluminatutzat hartuak izan gara , erotzat, internauta aspertutzat (egun gero eta gutxiago, hala ere) ikusten genuenean etorkizuna sareari lotuta datorrela eta gure herria, euskal kultura bereziki, tamalez atzean geratzen ari zela.

Guk hasieratik aldarrikatu gura izan dugu Euskal KULTURA digitalizatu eta kultura digitala euskaldundu gura genuela. Hori dugu zeregin.  
Argiak hasieratik izan du ikuspegi teknofiloa eta Internet sareari adi egon da bere ahalmen murritzean. Horregatik, eskerrik asko berriz eta horrela segitzeko esan behar diogu Sareko Argiari".