Shoutcast emisioak hainbat programaren bidez entzun daitezke. Gure irratia entzuteko RealPlayer programaren 7. bertsioa (edo berriagoa) gomendatzen dugu, hainbat arrazoirengatik. Plataforma anitzekoa da (Windows zein Macintosh) eta konpetentziaren hainbat formato onartzen ditu (Windows media eta QuickTime). Bestalde, grabatutako hainbat irratsaio RealAudio formatoan izango ditugu entzungai. Hauek RealPlayeren bertsio zaharragoekin ere entzun ahal izango dituzu.

Halabaina, zure ordenagailuak RealPlayer programaren bertsio berriek eskatzen duten memoria eta abiadura ez badu, saia zaitezke beste programa batzuk erabiltzen, Shoutcast-erako balio duten programak asko dira eta:

Windows plataforman Winamp programa gomendatzen dugu.

Macintosh-erako Audion eta Macast dira zabalduenak.

Linux-ero amorratuentzat XMMS programa dago. 
 

Arazorik entzuteko?

Entzuteko programa instalatu ondoren, nabigatzailean irratia entzuteko lotura jarraituta berez zabaldu beharko lirateke aipatu programak eta irratia entzuten hasi beharko zenuke. Hala suertatzen ez bada, zure nabigatzailea konfiguratu beharko duzu, nabigatzailetik irratia entzuteko programa zabal dadin.

Hona hemen konfiguraziorako tutoriala.

Hala ere, beti izango duzu programa zeuk zabaltzeko aukera eta ondoren gure irrati zerbitzariaren helbidearekin konektatzeko agindua emateko.

Horretarako, zauden programan zaudela (winamp, RealPlayer, Audion...), kontrol tekla eta "L" saka itzazu aldi berean. "Open Server" edo "Open location" izena du normalean aukera honek. Ondoren, honako IP helbide hau kopiatu hemendik eta bertan itsatsi:

166.90.143.141:15578

Orduan programak gure irratiko zerbitzariarekin konektatzeko ahalegina egingo du.