Saioa entzuteko HEMEN. Bilbo, Paris, London. Jabi Zabala bidaian izan da, eta kanpoko begirada ekarri du gurera. 1280EuskalHiria hartu dugu hizpide gero, Captain Nemo taldearen disko berria. Irazu kitarjolea izan da gurekin. Zinema eta literatura rockarekin jorratuz, gustura entzun ditugu taldearen kantak. Ines Intxausti sartu da gero estudioan. ZINEBI jaialdiari buruz hasi gara berbetan. Gustura aritu gara zinemaz, filmeetaz, gure hiriari buruz… pentsa monarkia ere hizpide hartu dugunean!
Kategoriaren artxiboa: Gurean asteon (podcast)
Asteroko saioa, astearteetan Bilbo Hiria irratian egiten duguna, gerora podcast moduan sarean eskuragarri jartzen duguna.
96. saioa: Gora Gu ta gutarrak eta irratia.com
Saioa entzuteko HEMEN. Durangoko azoka gertu dagoenez, disko ekoizpenak berriro ere gora egin du Euskal Herrian. Bitartean Wall Street Journal egunkarian euskarari buruzko zenbait ardikeri irakurri ostean, Otxandion lekutu gara. Gu ta gutarrak taldearen estudio eta entsaio lekuan. Grabazioa, kantua, elkarrizketa denetarik ekarri dugu Otxandioko Mekoletatik.
Ostean albisteak 2.0 (albiste teknologikoak) eta zenbait kantu entzun ditugu, ohi legez. Euskaraz, Internet, irratigintza eta musika uztartzea posible delako. Interneteko artzaiak gu!
95. saioa: Audience eta deabruak teilatuetan
Saioa entzuteko HEMEN. Disko ekoizpenak barra barra ari dira argitaratzen. Asko dago aukeran, eta guk bi talde gonbidatu ditugu gaurkoan. Estudioan izan ditugu Audience eta gero deabruak teilatuetan entzun dugu, beraiekin izan gara. Noizpop disketxeak plazaratu du Gernikakoen lana, Bonbereneak karrikaratu du Tolosakoena.
Hannot eta Gaizka beraien kitarrekin etorri zaizkigu estudiora, eta zuzenean eskaini dituzte lau kantu. Guk hizpide hartu dugu beraien trying wings on roots diskoa. Lau urte egon dira isilik, lanean, baina zuzenean askorik jo barik. Baina gogotsu dira orain eta gogotsu etorri zaizkigu saiora, gitarrak hartuta. Gure estudioan bertan diskoko hainbat kantu jotzeaz gain, bideoan grabatu dugun Neil Young-en bertsio honen oparia eman digute, ea gustatzen zaizuen.
94. saioa: Gaztesarea eta zentsura hizpide hartuta
Saioa entzuteko HEMEN. Madrilerako itzulia egin behar izan dute Gaztesarea eta Kaskagorri Bilboko konpartsak. Kaskagorrik Bilboko jaietan presoen argazkiak erakutsi eta Gaztesareak Kaskagorriren gunea bere zerbitzarian omen daukalako. A ze delitua! Horretaz mintzatu gara Gaztesareako kide batekin. Umorea ere galdu ez dugunez, Kas batzuk edateko profitatu dugu saioa. Saioarekin jarraitzeko, Galizian eman berri den beste zentsura kasu bat hartu dugu hizpide Aduaneiros sem fronteiras gunearena hain zuzen.
Albisteak 2.0 tartean, albiste teknologiko berrienak ekarri ditugu uhinetara: niretv.com, munduko kayak surf txapelketa, Atxagaren bloga, Artfutura jaialdia edota Jimbo Wales Wikipediako sortzailearen hitzaldia.
93. saioa: Appleberri.com sagarrari begira gu ere
Saioa entzuteko HEMEN. Uda ostean berritu dute Appleberri.com maczale euskaldunen komunitateari eskainitako bloga. Imanol izan da gurekin, skype bidez -eta igarriko da beharbada-, komunitate honi buruz, Apple sistema eta ordenadoreei buruz berbetan.
Elkarrizketaren ostean, gu ere Mac, Windows, Linux eta abarri buruz berbetan aritu gara, tertulianoen traza hartuta. Musika entzun, komentatu eta albisteak 2.0 atala ireki dugu, asteroko albiste elektronikoen tartea.
92. saioa: Igotz, Olentzero, BTZN, Che Gebara, Gu ta gutarrak eta albisteak 2.0
Saioa entzuteko HEMEN. Durangoko liburu eta disko azoka euskal kulturaren (g)une garrantzitsuena izango da ziurrenik. Aurtengo kartelaren diseinugilearekin mintzatu gara horregatik. Olentzero biluzi horrek, euskaraz jantzi gura ditu EHko etxe eta txoko guztiak. Bartzelonara (BTZN) jo dugu horretarako, Igotz Ziarretarekin mintzatu gara, luze.
Gero Salvador Puig Antichen inguruko erakusketa izan dugu hizpide. Koldo Izagirre eta Erramun Landaren lanak ikusgai eta entzungai. Jabier Muguruzaren musika entzun dugu, Manu Chao, Che Gebararen efemeridea gogoratu eta munduan bueltaka jarraitu dugu. Gu ta gutarrak bertsolarien kantua entzun eta beraien blogean bideo eta argazkiei begira geratu gara.
Albisteak 2.0 atala ere, aspaldian sortu diren gune eta proiektu berri guztiak komentatzeko profitatu dugu. Albistegia eta iritzia uztartu ditugu.
91. saioa: 2.3 denboraldia abian, hizkuntzak hizpide
Saioa entzuteko HEMEN. Denboraldi berria abiatzeko dena prest, irailarekin ikasturteak hasi ohi dira han eta hemen. Guk, Bilbo Hiria irratian, irrati emankizunari ekin diogu. Apurka apurka. Interneteko albisteak, nobedadeak, sortu direnak, albisteak 2.0 eta musika librea. Finean orain arteko moldean aritu gara, eta apurka apurka berritasun gehiago gehituko dizkiogu gure saioari.
Europako hizkuntzen eguna omen gaurkoa eta, euskara hizkuntza horien artean ofizialki dagoen zalantzarekin, aste honetan bertan Bilbon izan den David Crystal hizkuntzalariaren berbaldi interesgarria izan dugu hizpide Unesco Etxeko Belen Urangarekin. Crystal-en Hizkuntzaren Iraultza liburua euskaratuta argitaratu dela eta, etorri da gurera. Beste ikuspuntu batetik ere aztertu dugu gaia eta gaurko egun ofizialaren ospakizuna Hizkuntz Eskubideen Behatokiko Paul Bilbaorekin. Albiste laburren txokoan, esaterako Flickr-eko bi talde hauek aipatu ditugu: Ialgi hadi eta Euzkal Errian Euzkaras.
90. saioa: Dani Gutierrez eta Delorean
Azken saioa entzuteko HEMEN. Denboraldi/ikasturteko azken saioa ekoiztu dugu. Kubako egoera teknologikoa izan dugu hizpide unibertsitateko irakasle Dani Gutierrez adituarekin. Injeniaria bera, software libre erabiltzaile eta bultzatzailea… hainbat proiekturi buruz mintzatu zaigu. Saioaren bigarren zatian berriz, DLRN taldeko Igor izan dugu. Zarautzen sortu taldea nazioartean bere lekua egiten ari dena.
Saio honekin agur esaten diogu denboraldiari eta ospatzeko EHZ festibalerat abiatuko gira.
89. saioa: Bilbo live eta Euskal Herria Zuzenean
Saioa entzuteko HEMEN. Uda badatorrela eta, kontzertu erraldoiak Euskal Herrian ere. Aste honetan bertan Bilbo musikaren hiriburu bilakatuko da. Bilbolive jaialdiko antolatzaile Ibai Villapun izan da gure artean. Irratsaioaren bigarren zatian berriz Xiberoara jo dugu, ekainaren 29, 30 eta uztailaren 1ean Idauze Mendin Euskal Herria Zuzenean festibala ospatuko delako. Han izanen gara gu ere.
88. saioa: Bigarren bizitza eta Internet Ipar Euskal Herritik
Saioa entzuteko HEMEN. Second Life asko aipatzen da aspaldion, eta guk ere bidaia egin dugu bertara, horretarako Ana Courier izan dugu laguntzaile. Bigarren bizitzari buruzko euskarazko bloga edukitzeaz gain, blogintzan aspaldian murgilduta dagoen neska da Ana. Elkarrizketa mamitsua izan da. Irratia.com Second Life horretan, lehenengo irrati euskalduna izateko, urratsak ere eman ditugu. Saioaren bigarren zatia, Bidaia taldearen musika entzunez abiatu dugu. Bertako abeslari Caroline Phillips gurekin izan da. Bidaian zen, baina tartea egin digu Interneti buruz eta bere enpresei buruz mintzatzeko.