Bilbo. 2005 azaroa. Informazioaren Gizartea berton. Gai hau jorratu dugu, batipat gure saioan. Hiruzpalau kongresu batu dira Bilboko Euskalduna jauregian, denak ere Informazioaren Gizartearekin lotuak. Guk, Ramon Peñagarikano gailur honetako aholkularietako bat elkarrizketatu eta beragaz gailurrari buruz berba egin dugu. Wifi topaketa batean harrapatu dugu berriz Eneko Astigarraga gure kolaboratzailea. Berak wifiari buruzko berriak eta albisteak eskaini barik, topaketa honetan aipagai izan diren kontuak ekarri dizkigu. Saioa amaitzeko, Irratia.com proiektuaren 5. urteurrena izan dugu hizpide. Ez ahaztu, hilaren 27an blogariok topaketa bat dugula Bilbon, Informazioaren hirian.

Saioa eskuratzeko egin klik HEMEN (MP3 56 Kbps mono, 27 MB).

Mikel Unzurrunzaga Makala Hondartzan lanarekin irratia.com saiora etortzekotan zen, baina Zugarramurditik bueltan, kotxeak matxura izan du. Pena. Hurrengoan izango da gurekin. Metak disketxearekin bere bakarkako lana kaleratu du Zarautzko musikari, disko jartzaile, promotore eta surflariak. Reggae musikatik hasi, eta dantzarako aproposak diren doinu mordo bat bildu ditu bere lanean. Bere diskoko kantuak entzun ditugu, eta musika beltzaz gozatu dugu.

Entzun eta Berri Txarrak
Entzun aldizkariaren 45. zenbakia izan dugu eskuartean, eta aldizkaria goitik behera errepasatu dugu. Arreta berezia jarri diogu Berri Txarrak taldearen Jaio. Musika. Hil diskoari.

Musikherria
Euskal Herriko musika talde eta musikazale askoren ekimenez Musikherria disketxe autogestionatua sortu da. Horretaz berba egin dugu Gorka eta Ikerrekin, Musikherria proiektuko partaideekin. Solastu gara musikaz, eredu libreetaz, disketxea sortzeko arrazoietaz… eta aurrerantzean izango diren ekimenen aurrerapena egin digute.

Saioa eskuratzeko egin klik HEMEN (MP3 56 Kbps mono, 22 MB).

Kike Turmix-i gorazarre egin nahi izan diogu gaurko saioan, atzo hil baizen Madrilen euskal rockak enbaxadore zeukan Kike. Berria egunkariak ere blogintzari ekin dio. Pasa den astean Matraka.info izan bagenuen hizpide, aste honetan Berriako blogak hartu ditugu berbarako gai.
Elkarrizketan, gurekin izan dira Mikel Elorza eta Anjel Lertxundi, Kornerreko eta Hitz besteko blogariak. Ala bloglariak?

Saioa eskuratzeko egin klik HEMEN (MP3 56 Kbps mono, 22 MB).
Jarraitu 26. saioa: Berria egunkariko blogak gurean irakurtzen →

Aurreko asteko aurkezpen saioarekin batera, edukiz gainezka daukagu gaurko irratsaioko eskaleta. Interneteko aktualitateari so eginez, euskal kultura eta kultura digitala uztartzen saiatu gara, beste behin. Besteak beste, bi elkarrizketa izan ditugu gaurkoan:

Txapelketanagusia.com
Igandean Lekunberrin abiatu den bertsolari txapelketa izan dugu hizpide. Pasa hitza lemapean, XXI. mendean erabat txertatutako saioa ikusi genuen aurrekoan Lekunberriko Plazaola kiroldegian. Eskenografia berria, web gune berria, Interneten jarraitzeko aukerak, mp3etan entzuteko saioak, argazki digitalak… Gaur-gaurko txapelketa da bertsolariena. Horretaz mintzatu gara, txapelketako komunikazio zereginetan buru belarri murgildua dagoen Josebarekin. Elkarrizketa skype bidez egin diogu.

Matraka.info eta blogak | Matraka jaia Bilbon
Ikasturtearekin, Berria egunkariako gazte gehigarria ere martxan da. Ikasturte berriarekin, asmo berriak, zelan ez. Matraka.info guztiz berriztatuta topatu dugu, RSS feedak harpidetu ditugu gure lastermarketan, eta bi blog berri ere irakurri daitezke dagoeneko: Gonapetik (Estitxu Elduiaien kazetariarena) eta Erpeka (Onintza Enbeita bertsolari eta kazetariarena). Aurrerapen hauen guztien inguruan mintzatu gara Matrakako arduradun Estitxu Elduaienekin. Horrez gain, gaur bertan Matraka jaia izan dugu Bilbon, Zea Mays taldeak jo baitu Kafe Antzokian.

Saioa eskuratzeko egin klik HEMEN (MP3 56 Kbps mono, 22 MB).

Uda ostean berriro gaude uhinetan eta hauxe izan da gure lehendabiziko saioa ikasturte honetan. Udan izan diren albiste zenbait aipatzeko baliatu dugu gaurko saioa. Blogak izan ditugu hizpide eta Iruñean esku hartu genuen UEUren ikastaroa. Alabaina, dudarik gabe, udako albistea Tagzania zerbitzuaren agerpena izan dugu. Beste kontu batzuk ere aipatu ditugu, esaterako, Googlek atera berri duen doako Wi-Fi konexio unibertsalerako proiektua (Mikel Amigoten aipamena) edota ostegunean aurkeztekoa den ESLE elkartea. Mark Shuttleworth-en (Eneko Astigarragaren aipamena) bisitaren harira. Ubuntu Linux banaketaren sortzaileetakoa, pelotakadarekin aberastua eta ordainduzko bigarren turista espaziala, Suttleworthek bisita egin digu Enpresa digitalak antolatutako ekitaldian. Ekitaldia profitatu dute software librearen arloan lan egiten duten 19 enpresek sortu duten ESLE elkartea aurkezteko.

Saioa (ez dago osorik) eskuratzeko egin klik HEMEN (MP3 56 Kbps mono, 11 MB).

Azkenik lortu dugu saioa ondo grabatzea, mp3ra pasatu ahal izateko. Gaurkoan, gure gogoeten gainean ezezik, Luistxok idatzitako Papera / Digitala testua aztertu dugu. Vilaweb ere izan dugu hizpide, azken 10 urteotako kazetaritzaren bilakaeraren inguruko jardunaldia antolatu baitu Kataluniako komunikabide erabat digital honek. Blogpulse, saharauien Ciberintifada, Lemoizko gatazka gogoratzeko webgunea , Kopyleft jardunaldiak eta Igorringoren weblog euskaldun berria ere aipatu ditugu gaurko saioan.

Saioa eskuratzeko egin klik HEMEN (MP3 56 Kbps mono, 22 MB).

Ez dago eskuragarri

Gaurko saioan denetarik izan dugu, euskal blog berriak (tartean euskal tabernari batena eta Nire etxeko leihoa izenekoa), memeak, Feedmaniaren itxiera, Skyperen erabilera elkarrizketak egiteko, Blogak eta Gipuzkoako Foru Aldundia, saharauien intifada (eta argazkiak), BBVAren aurkako phishing erasoak, euskalug.org, Pausumedia eta beste.

Bere garaian ezin izan genuen irratsaioa mp3 formatora pasatu, arazo teknikoak direla medio, baina dagoeneko entzungai daukazue.

Saioa eskuratzeko egin klik HEMEN (MP3 56 Kbps mono, 24 MB).

Gaurkoan hainbat kontu izan ditugu hizpide irratsaioan. Munduko emakumeen martxarekin abiatuta, disketxe alternatiboa sortzeko proiektua, kopyleft jardunaldiak, Gazte sareak argitaratutako blogak eta berauek azkenik burutu duten WordPress kudeaketa sistemaren euskaratzea, Google pertsonalizatua, MCD taldearen agurra… Aurkik dagoeneko jarioak 200 iturritatik edaten dituela aipatu dugu, euskal blogosferaren indarraren seinale. SGAEk proposatutako azken astakeria eta kanonaren inguruan Espainiako senatuan izandako bozketa ere aipatu ditugu gaurkoan.

Saioa eskuratzeko egin klik HEMEN (MP3 56 Kbps mono, 24 MB).