Saioa entzuteko HEMEN: Irak inbaditzen hasi zirela lau urte dira. Gaur bezalako egun baten. 2003ko martxoan. Hilabete lehenago Egunkaria itxi ziguten, eta itsasoa beltzez jantzi zuten, agintari berdinek. Orduko errepasoa egin dugu, garaiko testuak eta iragarpenak gurera ekarrita. Gogoeta eginez. Irak, nazioarteko egoera, Internet eta G8 gailurra gero. Denak izan ditugu hizpide.

Albisteak 2.0 atalerako albiste teknologikoak gorde ditugu. Modu dinamiko batean, albisteei ahotsa eman, eta bildu.net irratiacom lastermarka bezala gorde ditugu.

Saioa entzuteko HEMEN. Josu Juaristi izan da euskal komunikabideetako zuzendarien artean bloga irekitzen lehenengoa. GARA egunkaria berritu eta euskarazko GAUR8 astekaria ere sortu dute, sarea eta papera uztartu asmo dituena. Kazetaritzaz eta Interneti buruz elkarrizketa mamitsua izan dugu.

Albisteak 2.0 Teknologia berriak, Internet, musika, literatura… zer ez dugun aipatu gure gaurko emankizun honetan. Eta azkenik Musika librearen tartean, ccmixter kantuak nahasten jarraitu dugu.

Gaurko saioan Disonancias topaketa izan dugu hizpide lehenik, asteburu honetan Donostian ekimen honek eman duenaren aurkezpena egingo baitute Tabacaleran. Ekimeneko koordinatzaile Arantxa Mendiharatek azaldu digunez, hainbat artista eta enpresa elkarlanean jarri eta sei hilabetez jardun ostean emaitzak aurkeztu eta festa egingo dute. Bestalde, Argia astekariaren edukiak Interneten egoteaz gain, orain informazio eta material multimedia osagarria dute sarean astekariko edukiek: bideoak, argazkiak… Gainera, 2.0 ezaugarriez hornitu dituzte aldizkariko edukiak: iruzkinak egiteko aukera, zabaldura bidaltzeko edo e-postaz igortzeko modua… Horren guztiaren berri eman digu Sareko Argiako arduradun Eli Pombok. Azkenik, ostegun eta ostiralean Donostian izango den Openaldia izan dugu mintzagai, software librea eta haren onurak jendearengana hurbiltzeko saio interesgarria. Saioa eskuratzeko HEMEN.

Gaurkoan bi elkarrizketa izan ditugu solaskide interesgarriekin. Lehena, gure estudioan bertan, Lutxo Egiarekin, Nontzeberri agerkari elektronikoko editore eta Nontzefilm zein Nontzeflash jaialdien sustatzailea, bihar eguerdian amaituko baita lehiaketa horietara, hurrenez hurren, film laburrak eta flash animazioak aurkezteko epea. Gero, Skype baliatuz, Ordizian diren hiru lagunekin egin dugu aldi bereko solasaldia. Bai, Mikel, Maite eta Jokin IKTeroak elkarrizketatu ditugu sarearen bidez. Sareko Argia saria jaso dute aurten, Informazio eta Komunikazio Teknologiak irakaskuntzara eramateko egiten ari diren ahalegin apartagatik. Acido C talde gipuzkoarraren musika entzun eta bestelako kontu batzuk ere komentatu ditugu. Saioa entzuteko HEMEN.

Saioa entzuteko HEMEN. Gaurkoan gai ugari aipatu ditugu gure saioan. Esaterako, Microsoft erraldoi monopolistikoak bere Windows Vista sistema eragile berria atera berri duela-eta. Ordenagailu saltzaileak gustora daude Vistarekin, Microsoften gehiegizko eskakizunak betetzen ez duten makina berri eta ahaltsu ugari berehala bazterturik geratuko direlako. Oso makina indartsua eskatzen du Vistak. Instalatu nahi izanez gero ere, momentuz ez instalatzeko aholkua eman dugu, hasierako bertsioak akatsez beterik egoten baitira. Gainera, SOS Muxika ekimena, Web 3.0 belaunaldia, unibertsitatea.net, munduko podcast-en foroa eta beste hainbat kontu jorratu ditugu gaurkoan.

Saioa entzuteko HEMEN. Internet gero eta arrakastatsuagoak dira sare sozialak. Musikaren inguruan ere sekulako sareak antolatu dira. Guk gaurkoan myspace guneak aztertu ditugu. Euskal musikariek zelan erabiltzen duten, zenbat gune eta lagun dauden, eta bertako musika entzun dugu, ia saio osoan zehar.
Albisteak 2.0 asteko albiste teknologikoen errepasoa. Musika librearen tartea gero.

Saioa entzuteko HEMEN. 69 jarrera bat da, postura bat, zenbaki bat, amets bat, desio bat. Guk gure 69. saioa egin dugu, eta sexua izan dugu hizpide. Sexua ahotan. Gaztetxuloko Alberto Irazu elkarrizketatu eta poemak irakurri ditugu. Sexua pornografia blogetan, euskararen koñotazio sexualak entzun… entzun.
Musika ere sex sexua eta grinaren ingurukoa jarri dute gure teknikari eta disko jartzaile Ibon Burgoa eta Ekaitz 77-k. Abesti sorta interesgarria. Miren Agur Meaberen poema batekin hasi eta Jon Miranderekin Oianone eta Eder bati poemarekin bukatu dugu. Hertzainak taldeak kantatzen zuen azken poema hau.

Saioa entzuteko HEMEN. Sustatu sortu zela 5 urte betetzen diren honetan, ospakizun ekitaldiaren berri izateko Luistxo Fernandez elkarrizketatu dugu, 5 urteotako errepaso bat eginez. Horrez gain, ekitaldiko xehetasunak aurreratu dizkigu

Albisteak 2.0: Astero bezala, Interneteko albisteak izan ditugu hizpide. Bildu.net agregatzailean irratiacom etiketarekin batuta daude.  Musika librearen tartean Magnatune.com eta Logela multimediako Mokaua proiektua entzun ditugu.