Saioa entzuteko HEMEN. Martxoak 31 taldeak ireki du saioa, 1937ko martxoaren azken egunean Durangon gertatutakoaz akordatzen. Apirilak 26, Gernika. Maiatza, Bizkargi. 1937ko ekaina, Bilbo. Ahaztuak ez ditugun leku eta egunak, garaiak, burrukak. Bertako kide Martxelo Alvarez izango dugu berbalagun.Oroimena lantzen duen elkartea da, gerra zibilari buruz ekitaldiak egiten ari dena, auzolanean, ikerketa, memoria historikoa astinduz, lanean senitartekoekin… Bitartean Oroitzapenerako kantuak diskoko zenbait kantu entzun ditugu.
Albisteak 2.0 atalean berriz, Bilbon burutu berri den jardunaldi hacktibistaren kronika egin digu Txopik.
jabea-(r)en bidalketa guztiak
113. saioa: josetxo Anitua gogoan, Ruper Ordorika eta Kerobiarekin musikaz
Saioa entzuteko HEMEN. Cancer Moon taldearen musika entzunez hasi dugu saio berezi hau. Josetxo Anitua musikaria, antzokiko disko jartzailea agurtzeko baliatu dugu. Ruper Ordorika mugalari lanetan kausitu dugu gero Zugarramurdin, eta luzaz aritu gara 10:30etan diskoaz, musikaz, Interneti buruz… eta saioa amaitu aurretik, Irunean Kerobiako lagunak. Disko berri bat plazaratu behar dute aurki, webgune berritua, kantuak libreki zabalduko dituzte, SGAE lagata. Eduki interesgarriak egungo musikagintzaz, duda barik.
Albisteak 2.0 ostean, Atom Rhumba eta Josetxo Anituaren kantua entzun dugu, Noizpop disketxeko webgunetik zuzenean.
112. saioa: Hiri kultura eta beste
Saioa entzuteko HEMEN. Hiri kultura, break dance, hip hop, dantza, musika, skate eta bmx bizikletak, jendea eta gehiago batuko da Bilbon Breakonstage jaialdia dela eta. Imanol Garaizabal (Logela multimedia) sortzaile eta antolatzailearekin aritu gara berbetan jaialdia eta lehiaketaren inguruan. Musika entzuten ari ginela, Guggemheim efektuaren berri ukan dugu. Eliteko kultura, eta lapur handiak.
Musika entzuten jarraitu dugu, Kerobiaren komunikatua aztertu eta Albisteak 2.0 albistegi teknologikoaren ostean, oroimenaren autobusa hartu dugu.
111. saioa: Barkua bete soinu
Saioa entzuteko HEMEN.Gure itsasuntzian, errekan gora eta behera ibili gara. Inoreneroni entzuten hasi gara, Okene taldeko abeslaria elkarrizketatu dugu, Bilboko kafe antzokian eman behar duten kontzertuari buruz berbetan, Fermin Muguruzaren Mirant al cel filmeko Hasperena kantu berria entzun dugu gero, Ruper Ordorikak 10,30etan aurkeztu digu ostean, eta Amets Arzallusek Manu Chaori buruz berba egin digu, izan be Argia aldizkarian abeslari ezaguna elkarrizketatu du. Gure soinuekin, Ibaizabalen murgildu gara, eta Ibaizabal telebista ezagutzeko parada izan dugu, hemen bertan, Bilbon. Internetetik euskaraz emitituko duen herri telebista.
Inoreneroni Bilbon ikusi nahi? Disko berriaren titulua, baxujole berriaren izena, taldearen sorlekua, disketxearen izena eta gure elkarrizketatuaren izena asmatzen dutenek sarrera bana jasoko dute. Apirilak 10, Bilboko kafea antzokian. Beraz azkar ibili. Erantzun bana galdera bakoitzari. Erantzun bat, sarrera bat, pertsona bat. Beraz, bost erantzun dira, bost sarrera. Ea ba!
110. saioa: Kazetaritza: teknologia, erabiltzaileak | OOXML standarra
Saioa entzuteko HEMEN. Saioari zenbaki binarioa egokitu zaio. Etorkizuneko kazetaritza, teknologia eta erabiltzaileen esku irakurri dugu eta gaiari gure iritziak eman ditugu saioa hasteko. Horrez gain, aurreko saioan aipatu bezala, 10 FONera zozketatu eta banatu ditugu. Saioaren amaiera aldian OOXML formatuaren gaineko eztabaida izan dugu hizpide. ISO izendapena jaso behar duela eta, sarean dagoen eztabaidaren berri eman dugu. OOXML formatua standarra ez dela aldarrikatzeko eskaera ere sarean dago.
Hamar fonera doan irratia.com entzuleentzat
Irratia.com entzuleek Fon wifi komunitatean esku hartzeko aukera izango dute, euren artean banatuko baititugu 10 fonera. Duela bi urte azaldu genuen hemen zer den Fon, laburbilduta: Internet konexioa elkarbanatzeko xedez eratutako komunitatea da: zure Interneterako sarbidea beste kideekin elkarbanatzen duzu wifi bidez eta munduan barna dauden beste kideen konexioak ere libreki erabiltzeko aukera duzu. Era berean, kide ez direnek eguneko 3 euro ordainduta zure konexioa erabiltzeko aukera dute eta diru-sarrera horren erdia zuretzat izango da.
Fon-en bidez zure sarbidea elkarbanatzeko beharrezkoa da Fonera izeneko gailua erabiltzea. Wifi Access Point edo haririk gabeko sarbide puntua da Fonera, txikia baina indartsua. Berak kudeatuko ditu beste kideen zein arrotzen konexioak -baita guk doan baimendu nahi ditugun auzokoenak ere- eta berak emango dizkigu erabilera estatistika zehatzak.
Gero eta lagun gehiago ari dira euren wifi itxiak Fonen bidez irekitzen eta munduko auzorik eta kalerik trendyenak ere foneraz josten, Madrilgo Chueca, Tokyoko Omotesando edo Municheko Glockenbach. Promozio arloko lan horretaz arduratzen da aste honetako saioan gonbidatu izan dugun Xabi Del Rey arrasatearra. Bada, Fon probatu nahi baduzue, Xabiren eta Fon-en kortesiaz hamar fonera banatuko ditugu irratia.com-en entzuleen artean. Fonera hori eskuratu ahal izateko hemen iruzkina utzi beharko duzue, agur bat eginez. Hurrengo irratsaioan (martxoaren 26an) zozketa egin eta esango dugu nortzuk izan diren etxean fonera jasoko duten lagunak. Iruzkina egitean ez ahaztu zuen e-posta helbidea jartzea (ez da argitaratuko).
109. saioa: Gasteiz Dublin konexioa
Saioa entzuteko HEMEN. Gasteizen abiatu dugu gure emankizuna. Hala Bedi irratiko estudioetan murgildu gara, eta irrati librearen historia kontatu digute bertatik Gorka eta Iñakik. 25 urte bete ditu aurten Gastiezko irratiak. Atsegina izan da elkarrizketa, esperientzia bizi asko kontatu dizkigute, eta umorez hartu dugu.
Musika entzun ostean, Dublineraino joan gara, azkar. Skype bidezko elkarrizketan Eskoriatzako Joseba Gabilondo eta Arrasateko Xabi del Rey elkarrizketatu ditugu. Internet hartu dugu hizpide. Diaspora, wifia, teknologia berrien aukerak.. eta musikarekin agurtu ditugu.
108. saioa: euskara eta Internet. Komunikazio alternatiboa
Saioa entzuteko HEMEN. Euskara eta Internet ekarri ditugu berriz ere hizpidera. Horretarako Denis Elortzaren lan batetatik abiatu gara, Euskara ingurune globalizatuan/… txostena irakurri dugu 78 orrialdetako pdf batean. Garagoikoa blogeko laburpen egokitua ere baliatu dugu, eta direnak eta ez direnak esaten abiatu gara. Bat gatoz, ez gaude ados, nik hau, zuk hori… iritzia ematen. Twitter bitartez, gure entzuleek ere parte hartzeko aukera izan dute.
Saioaren bigarren zatian, asteburuan Gasteizen burutu diren Komunikazio alternatiboari buruzko jardunaldiak izan ditugu hizpide. Hala Bedi irrati libreak antolatuta, Gasteizko jardunaldien edukietan murgildu gara, eta zelan ez, teknologia berriei buruzko berbaldiei arreta berezia jarri diegu.
107. saioa: Egunkaria libre! otsailaren 20an
Saioa entzuteko HEMEN. 2003ko Otsailaren 20an itxi zuten Euskaldunon Egunkaria. Bost urte igaro dira, ez dugu ahanztu, baina saiatu gara gehiago gogoratzen. Andoainen izan gara Pipirekin, Bartzelonan Jonekin, Bilbon Gotzonekin. Sarean ibili gara eta ozen esan dugu Egunkaria libre! Irratia.com egiten dugunok Egunkariaren aldeko irrati emankizuna egin gura izan dugu.
Sarean.com bitakora bereziki gogoratu dugu, 5 urte betetzen direlako Jabi Zabalak sortu zuela.
otsailak 20: Egunkaria libre!
